بلند کردار سی آنکھیں
وہ خوش گفتار سی آنکھیں
محبت کی نگہبان ہیں
در و دیوار سی آنکھیں
نم دیدہ شبنمی گلپوش
گل و گلزار سی آنکھیں
دہکتی دھوپ میں ٹھنڈک
گھنے اشجار سی آنکھیں
خزینہ ہیں وہ یادوں کا
حسین پنڈار سی آنکھیں
حکایت ہیں خاموشی کی
وہی اقرار سی آنکھیں
گھٹا پلکوں پہ رکھتی ہیں
آباد امتر سی آنکھیں
کمال حسن و رعنائی
سخن ، اشعار سی آنکھیں
کتاب درد کے اورق
حزین افگار سی آنکھیں
خاموشی خوش کلامی سی
صباء اظہار سی آنکھیں
ہیں آشی حسرت کا صحرا
میری سنسار سی آنکھیں . . . !
Posted on Aug 13, 2012
سماجی رابطہ