رتجگوں کے صحرا میں خواب جب اجڑ جائیں تم اداس مت ہونا
زندگی کے میلے میں ہم اگر بچھڑ جائیں تم اداس مت ہونا
جن پہ نام لکھے ہوں ان اجڑ شاخوں پر کب بہار آتی ہے
آرزو کی ٹہنی سے جب گلاب جھڑ جائیں تم اداس مت ہونا
جان کیا ضروری ہے دشت نارسائی میں اک دعا بھی پوری ہو ؟
ہم اگر رواجوں کی سولیوں پہ گر جائیں تم اداس مت ہونا
وقت اک درندہ ہے اور ہم سبھی اس دہشت کی زد میں ہیں
جب یہ بے سکون لمحے اپنی ضد پہ آڑ جائیں تم اداس مت ہونا
جبر کی فضاؤں میں مسکرا کے جی لینا یہ بھی اک عبادت ہے
چاہے کرب کے سائے میرے قد سے بڑھ جائیں تم اداس مت ہونا
کچھ بھی ہو مگر اپنے دلنشیں تبسم سے ضبط کا بھرم رکھنا
چاہے ہم بچھڑ جائیں کیوں نا ہم اجڑ جائیں تم اداس مت ہونا
ratjagon ke sehra main khwaab jab ujar jaain tum udaas mat hona
zindagii ke maile main hum agar bichar jaain tum udaas mat hona
jin pe naam likhe hoon un ujar shakhon per kab bahar aati hai
aarzuu ki tehni se jab gulaab jhar jaain tum udaas mat hona
jaan kya zaroori hai dasht-e-narasai main ik dua bhi poori ho?
hum agar riwaajon ki souliyoun pe gar jaain tum udaas mat hona
waqt ik darinda hai aur hum sabhi es dehshat ki zad main hain
jab ye besukoon lamhe apni zid pe arr jaain tum udaas mat hona
jabr ki fizaaon main muskura ke ji laina ye bhi ik ibaadat hai
chahe karb ke saye mere qad se barh jaain tum udaas mat hona
kuch bhi ho mager apne dilnasheen tabassum se zabt ka bharam rakhna
chaahe hum bichar jaain kyun na hum ujar jaain tum udaas mat hona
سماجی رابطہ