کل رات جانے کیا ہوا

کل رات جانے کیا ہوا
کچھ دیر پہلے نیند سے

کچھ اشک ملنے آگئے
کچھ خواب بھی ٹوٹے ہوئے
کچھ لوگ بھی بھولے ہوئے

کچھ رستہ بھٹکی ہوئیں
کچھ گرد میں لپٹی ہوئیں
کچھ خول میں سمٹی ہوئیں

بے ربط سی سوچیں کئی
بھولی ہوئی باتیں کئی
اک شخص کی یادیں کئی

پھر دیر تک جاگتی رہی
سوچوں میں گم بیٹھی رہی
انگلی سے ٹھنڈے فرش پر
اک نام ہی لکھتی رہی

کل رات بھی وہ رات تھی
کچھ دیر پہلے نیند سے
میں دیر تک روتی رہی

Posted on Feb 16, 2011