طلوع شمس مفارقت ہے

طلوع شمس مفارقت ہے !
پرانی کرنیں . . .
نئے مکانوں کے آنگنوں میں
لرز رہی ہیں . . . ! ! ! !
. . .
فاصل شہر وفا کے روزن
چمکتے ذروں سے بھر گئی ہیں . . ! ! ! !

گئے دنوں کی عزیز باتیں . . .
نگار صبح . . . گلاب راتیں . . .
بساط دل بھی عجیب شے ہے ،
ہزار جیتیں . . . ہزار ماتیں . . ! ! ! !

جدائیوں کی ہوائیں لمحوں کی خشک مٹی اڑا رہی ہیں . . .
گئی رتوں کا ملال کب تک . . ؟ ؟
چلو کے شاخیں تو ٹوٹتی ہیں . . . ! ! !
چلو کے قبروں پہ خون رونے سے
اپنی آنکھیں ہی پھوٹتی ہیں . . ! ! !
یہ موڑ وہ ہے
جہاں سے میرے تمھارے رستے بدل گئے ہیں . . .
پرانی راہوں کو لوٹنا بھی ہماری تقدیر میں نہیں . . ! ! !
کے راستے بھی ہمارے قدموں کے ساتھ آگے نکل گئے ہیں . . ! ! !


طلوع شمس مفارقت ہے !
تم اپنی آنکھوں میں جھلملاتے ہوئے
ستاروں کو موت دے دو . . . . ! ! ! !
گئی رتوں کے تمام پھولوں . .
تمام خاروں کو موت دے دو . . .
نئے سفر کو حیات بخشو !
کے پچھلی راہوں پہ سبت جتنے نقوش پا ہیں
وہ بار ہونگے
ہوا اُڑائے کے تم آڑاؤں !