عجیب شخص تھا

عجیب شخص تھا

عجیب شخص تھا ایسے وہ پیار مانگتا تھا .
جہاں نا درد ہو ایسا دیار مانگتا تھا .

جو مانگتا تھا وہ دینا میری بساط نا تھی .
وہ میری روح کا مجھ سے قرار مانگتا تھا .

اسے غرض تھی گلوں سے نا بلبلوں سے ذرا .
وہ فصل رنج میں فصل بہار مانگتا تھا .

اسے طلب تھی کوئی ٹوٹ کر اسے چاہے .
وہ ہاتھ جوڑ کر الفت ہزار مانگتا تھا .

میرے خلوص پہ شاید تھا شک اسے شہزاد .
وفاء کی راہ میں وہ اعتبار مانگتا تھا .