سوچی پے آں ہن کی کرئیے
پپو سانوں تنگ نہ کر توں
بڑے ضروری کم لگے آں
سوچی پے آں ہن کی کرئیے
روتی شوٹی کھا بیٹھے آں
لسی شسی پی بیٹے آں
حقے دا کش لا بیٹھے آں
پوچھ پچھ کے اندروں باہروں
بھانڈے وی کھڑکا بیٹھے آں
سوچی پے آں ہن کی کرئیے
دیکھ لیا نیں سب اخباراں
سبھے ورقے تھل بیٹھے آں
پڑھ بیٹھے آں سارے اکھر
سارے حرف سنا بیٹھے آں
سوچی پے آں ہن کی کرئیے
کیسے کیسے اسلحے بن گئے
وڈے وڈے مسئلے بن گئے
وڈے شہر وسا بیٹھے آں
سارا چین گوا بیٹھے آں
سوچی پے آں ہوں کی کرئیے
جی کردا سی ووٹاں پائیے
مارشل لا توں جان چھڑائیے
ووٹاں شوٹاں پا بیٹھے آں
اے جمہوری رولا رپا
کنے سال ہنڈا بیٹھے آں
سوچی پے آں ہن کی کرئیے
سودا کوئی پچدا نئی
کوئی رستہ سنجھدا نئی
رستے دے وچ آ بیٹھے آں
سوچی پے آں ہن کی کرئیے
سوچی پے آں ہن کی کرئیے
Posted on Feb 16, 2011
سماجی رابطہ