جاڑے کی سرد شامیں

کچی بستی کے بام و در پر اترتی جاڑے کی سرد شامیں

شفق کی گہری اداس آنکھوں میں دھیرے دھیرے سمٹتا سورج

میں بالکونی میں سرد ہوتے گلابی پھولوں کو دیکھتا ہوں

گھروں سے اٹھتے دھوئیں کے بادل فضا میں تحلیل ہو رہے ہیں

میں سوچتا ہوں، نجانے ایسے اداس موسم میں تم کہاں ہو؟

چلے بھی آؤ،چلےبھی آؤ

کہ اب اداسی کی شال اوڑھے سسکتے مہتاب کی نگاہیں بھی منتظر ہیں

چلے بھی آؤ۔۔۔۔۔۔۔۔چلے بھی آؤ۔۔۔۔۔۔۔۔۔۔۔

کہ اب تو راہوں کے نرم جگنو بھی سو گئے ہیں

چلے بھی آؤ

چلے بھی آؤ

کہ روتے روتے یہ آنسو پتھر کے ہو گئے ہیں۔۔۔۔۔۔۔۔۔۔۔۔۔۔۔۔۔۔

Posted on Apr 02, 2013