اسلامی اقوال

وہ شخص جس کے دل میں برائی ہے۔ بھلائی نہ پائے گا اور جس کی زبان میں نکتہ چینی ہے۔ آفت میں گرے گا۔

کسی انسان سے بلا وجہ جھگڑا نہ کر جب کہ اس نے تجھ سے کچھ بدی نہ کی۔

اُن قدیم حدود کو جو تیرے ماں باپ نے باندھی ہیں۔ مت سرکا۔

ہر ایک انسان کی روش آس کی نگاہ میں ٹھیک ہے۔ لیکن اللہ دلوں کو تولتا ہے۔

خداوند کی راہ سیدھے لوگوں کے لیے توانائی ہے اور بدکرداروں کے لیے ہلاکت۔

اپنے خیال میں اپنے آپ کو دانشمند مت سمجھ خداوند سے ڈر اور بدی سے باز رہ۔

اے کاہل آدمی! چیونٹی کے پاس جا، اس کی روش کو دیکھ اور دانشمندی حاصل کر کہ باوجودیکہ اس کا کوئی سردار یا حاکم نہیں وہ گرمی کے موسم میں اپنے لیے خوردو نوش جمع کرتی ہے اور سردی میں اس سے فائدہ اٹھاتی ہے۔

خدا تعالیٰ کی تنبیہہ کو حقیر مت جان اور اس کی تادیب سے بیزار کرتا ہے کیونکہ خدا تعالیٰ جس کو پیار کرتا ہے اسے تنبیہہ کرتا ہے۔

عالم گو سرد مزاج اور خرد مند ہے احمق بھی جب تک چپ رہے عقلمند شمار ہوتا ہے۔

ظاہری برائی کو چھپانا ناگمانی بات پر رسوا کرنے سے اولیٰ ہے۔