کراچی: چٹخاروں کے لحاظ سے منفرد مارکیٹ حیدرآباد کالونی

کراچی : کراچی کی حیدرآباد کالونی میں واقع اچار مارکیٹ ناصرف چٹخاروں کے لحاظ سے منفرد حیثیت رکھتی ہے بلکہ یہاں کی عربی ہریس اور لقمی بھی خاصی مقبول ہے اور رمضا ن لمبارک میں افطار کے اوقات میں خریداروں کا رش مزید بڑھ جاتا ہے۔



ذائقہ دار ہریس کے حصول کے لیے کرتے ہیں رخ شہری اچار گلی کا۔ افطاری میں سموسے ، چارٹ ، پکوڑے ، دہی بڑوں کے ساتھ کھانے پینے کے شوقین افراد اچار گلی کے عربی ہریس کو بھی خاصا پسند کرتے ہیں۔ اس کی تیاری میں گندم ، گوشت اور مصالحے استعمال کیے جاتے ہیں۔



اس گلی کی خاص بات یہ ہے کہ یہاں ہر قسم کے اچار ، چٹنیاں اور حیدرآبادی تیار مصالحہ جات دستیاب ہیں ناصرف یہاں کے چٹخارے دار اچار، کھٹی میٹھی چٹنیاں ، اور فرائیڈ اسنیکس کو پسند کیا جاتا ہے بلکہ اچار گلی میں خاص قسم کے لقمی بھی تیار کی جاتی ہے جو تکون شکل کی ہوتی ہے۔