امریکی خاتون کی ننھے کینگرو سے لگاؤ کی انوکھی مثال

نیویارک …این جی ٹی …یوں تو انسانوں کا جانوروں سے لگاؤ کوئی نئی بات نہیں لیکن کینگرو سے دوستی کی یہ داستان شاید آپ نے پہلے کبھی نہ سنی ہو۔امریکی ریاست ورجینیا سے تعلق رکھنے والی جولیا نامی خاتون نے دو سال قبل ایک فارم ہاؤس سے 3ہفتے کے ایک ننھے کینگرو کوگود لے لیاتھا۔جولیا نے اس کینگرو کونہ صرف اپنے گھر میں اپنے بچے کی طرح رکھا ہوا ہے بلکہ اس کیلئے الگ وارڈ روب بھی بنا رکھا ہے جس میں سے کینگرو کو روزانہ نت نئے ڈیزائن کے کپڑے پہننے کو ملتے ہیں۔ بومیرو نامی یہ ننھا کینگرو سارے گھر میں اچھلتا کودتا رہتا ہے اور اس کی مالکن نے اس کی بوریت دور کرنے کیلئے ایک مانو بلی بھی پال رکھی ہے جو کینگرو کی بہترین دوست ہے۔ ننھا کینگرو رات کو اپنے بستر پر سوتا ہے اور خاتون کے مطابق یہ اسے اپنی ماں سمجھتا ہے۔