بولیویا میں دنیا کی بلند ترین کیبل کار سروس !

لاپاز…این جی ٹی …بولیویا نے دنیا کی بلند ترین کیبل کار سروس کا باقاعدہ آغاز کردیا۔سطح سمندر سے 13ہزار فٹ(4ہزار میٹر) کی بلندی پر موجود یہ کیبل کار سروس بولیویا کے دو پہاڑی شہروں لا پاز اور ایل ایلٹو کے درمیان چلائی جارہی ہیں۔ مسافروں کی سہولت کو مد نظر رکھتے ہوئے 240ملین ڈالر کی لاگت سے ڈیزائن کیا گیا یہ کیبل کار پروجیکٹ فقط24منٹ میں شہریوں کو ایک سے دوسرے شہر پہنچائے گا۔اس کیبل کار پروجیکٹ کی تینوں لائنز ایک گھنٹے میں تقریباً18ہزار مسافر ایک سے دوسری جگہ لے جانے کی صلاحیت رکھتی ہیں جس کا کرایہ فقط ساڑھے تین بولیویانوز مقرر کیا گیا ہے۔