25 فروری 2011
وقت اشاعت: 11:21
بچپن میں کامیاب علاج جوانی میں موت کا سبب
ایک نئی برطانوی تحقیق کے مطابق بچپن میں سرطان سے بچ جانے والے افراد میں جوانی کی دہلیز پر قدم رکھنے کے بعددل کا دورہ پڑنے یا دوسری نوعیت کے سرطان سے مرنے کا بہت زیادہ خطرہ ہوتا ہے۔
دی جرنل آف دی امریکن میڈیکل ایسوسی ایشن نے اپنے تازہ شمارے میں انگلینڈ کی برمنگھم یونیورسٹی کی اس رپورٹ میں اس کی بڑی وجوہات بچپن میں تابکاری اورسرطان کے علاج کے دوسرے طریقے بیان کیے گئے ہیں۔
رپورٹ کے مطابق عام آبادی کے مقابلے میں بچپن میں سرطان سے بچ جانے والے افراد میں جوان ہونے کے بعد اموات کی شرح 11 گناہ زیادہ ہوتی ہے۔ اس تحقیق کی بنیاد پر ماہرین نے بچپن میں ہونے والی سرطان کی بیماری کے بہتر طریقہء علاج اور جوانی میں سرطان کا شکار ہونے والے افراد کے طویل المدتی علاج کی ضرورت پر زور دیا ہے۔
