لمبے قد کی عورتوں کو کینسر کے زیادہ خطرات لاحق ہوتے ہیں: تحقیق

نیویارک…ایک تحقیق سے پتا چلا ہے کہ لمبے قد کی عورتوں کو کینسر جیسی مہلک بیماری ہونے کے زیادہ خطرات لاحق ہوتے ہیں۔ یہ تحقیق امریکن ایسوسی ایشن آف کینسر ریسرچ میں کی گئی۔ تحقیق کے دوران پچاس سے 80 سال کی ایک لاکھ 45 ہزارعورتوں کے خون کے نمونے لیے گئے۔ تحقیق سے یہ بات سامنے آئی کے دراز قد خواتین کو کینسر ہونے کا خدشہ زیادہ ہوتا ہے۔ تحقیق میں بتایا گیا ہے کہ لمبے قد کی وجہ سے انسانی جسم میں ہارمون کے اخراج پر زیادہ اثر ہوتا ہے جس کی وجہ سے کینسر میں مبتلا ہونے کے امکانات بڑھ جاتے ہیں۔