سبزیوں کا جوس بھی اتنا ہی مفید ہے جتنا سبزیوں کا خوراک میں استعمال

کیلیفورنیا…سبزیوں کا استعمال صحت کے لئے انتہائی مفید اور اہم قرار دیا جاتا ہے تاہم کئی افراد ایسے بھی ہیں جو سبزیوں کے استعمال سے اجتناب برتتے ہیں۔ کیلیفورنیا میں سبزیوں کے فوائد پر کی جانے والی ایک تحقیق میں یہ بات سامنے آئی ہے کہ جو افراد سبزیاں کھانا پسند نہیں کرتے اگر روزانہ دو گلاس سبزیوں کا جوس استعمال کریں تو وہ بھی اتنا ہی غذائیت بخش اور مفید ثابت ہوسکتا ہے جتنا سبزیوں کا استعمال۔ ماہرین کا کہنا ہے کہ سبزیوں کا جوس پینے سے نہ صرف بلڈ پریشر نارمل رہتا ہے بلکہ موٹاپے سے پریشان افراد کے لئے بھی بہترین ہے کیونکہ اس کے استعمال سے حاصل ہونے والی غذائیت بغیر چربی بڑھائے توانائی کا باعث بنتی ہے۔