17 جنوری 2013
وقت اشاعت: 10:55
پشاور:باڑہ سے ملنےوالی 18لاشوں پر طالب علموں کا احتجاج
اے آر وائی - کرم ایجنسی کےعلاقے سپاہ باڑہ ڈگرہ میں سیکیورٹی فورسز کی جوابی کاروائی سے ہلاک ہونے والے اٹھارہ افراد سے اظہار یکجہتی کے لئے فاٹا اسٹوڈنٹ فیڈریشن کے طالب علموں نے پشاور پریس کلب کے باہر پرامن احتجاج کیا۔
خیبر ایجنسی باڑہ سے ملنے والی اٹھارہ لاشوں سے اظہار یکجہتی کے لئے فاٹا اسٹوڈنٹ فیڈریشن کے طالب علموں نے پشاور پریس کلب کے باہر احتجاجی مظاہرہ کیا۔مظاہرین کو منتشر کرنے کے لئے پولیس نے طالب علموں پر شیلنگ کی اور ہوائی فائرنگ کی۔ پولیس کی ہوائی فائرنگ سے دونوں اطراف سے فائرنگ کا سلسلہ شروع ہو گیا ۔فائرنگ سے ایک گھنٹے تک پشاور پریس کلب روڈ بلاک رہا۔
پولیس نے تیرہ طالب علموں کو گرفتار کر لیا جبکہ احتجاج میں زخمی ہو نےو الے چار طالب علموں کو ہسپتال میں طبی امداد فراہم کی جارہی ہے ۔دونوں اطراف سے کی جانے والی فائرنگ کے نتیجے میں نجی چینل کا ایک کیمرہ مین بھی زخمی ہوا۔
