کراچی:رات سے اب تک پرتشدد واقعات میں 7 افراد ہلاک

اے آر وائی - کراچی میں رات بھر پر تشدد کاروائیوں کے نتیجے میں مختلف علاقوں سے سات افراد کو موت کے گھاٹ اتار دیا گیا،بوری بند لاشیں اور فائرنگ سے ہلاکتوں کا کوئی پرسان حال نہیں ۔



کراچی میں رات بارہ بجے سے اب تک پر تشدد واقعات میں سات افراد ہلاک ہوگئے رات گئے بلدیہ ٹاون کے علاقے قائم خانی کالونی سے تین افراد کی بوری بند لاشیں ملیں مقتولین کی شناخت عرفان اسلام، امجد فاروق اور محمد جمیل سے ناموں سے ہوئی تینوں افراد کو گزشتہ روز مومن آباد کے علاقے سے اغوا کیا گیا تھا جس کی ایف آئی آر مومن آباد تھانے میں درج کرائی گئی تھی مقتولین کو اغوا کے بعد سر پر گولیاں مار کر قتل کیا گیا۔



پاک کالونی ،نیپئر اور سبزی منڈی تھانے کی حدود سے تین افرادکی لاشیں ملی ،جبکہ دوسری جانب لانڈھی پانچ نمبر گوشت مارکیٹ کے قریب ڈکیٹی میں مزاحمت پر پچیس سالہ دانش کو فائرنگ کرکے قتل کر دیا گیا ،کراچی میں گذشتہ چار گھنٹوں کے دوران پر تشدد کاروائیوں میں ہلاکتوں کی تعداد سات ہو گئی ہے۔