20 جون 2013
وقت اشاعت: 20:42
بالی ووڈ اداکارہ جیا خان کی زندگی پر فلم بنائی جائیگی
جیو نیوز - ممبئی … ممبئی کے ایک فلیٹ میں 3جون کو مردہ پائی جانے والی معروف بالی ووڈ اداکارہ جیا خان کی افسوسناک موت اور ناکام محبت پر فلم بنانے کی تیاریاں کی جا رہی ہے جس کا نام" بولڈ بالی وڈ " رکھا گیا ہے۔ حال ہی میں اس بات کا اعلان کرتے ہوئے بھارتی فلمساز"رِخست مٹا "نے کہا ہے کہ فلم کی کہانی تین ایسی لڑکیوں کے گرد جو آنکھوں میں نجانے کتنے سپنے سمائے ممبئی کا رخ کرتی ہیں۔ان لڑکیوں میں سے ایک کی کہانی جیا خان سے متاثر ہو کر رکھی گئی ہے جو محبت اور کیرئیر میں ناکامی کے بعد موت کو گلے لگا لیتی ہے۔یہ فلم بالی ووڈ کی نگری میں آنے والے نئے اداکاروں اور کیرئیر کیلئے کی جانیوالی ان کی جدوجہد کو خراج تحسین پیش کرنے کی ایک کوشش ہے۔
