جیمز بونڈ فلم میں استعمال ہونیوالی تاریخی سب میرین کار کی نیلامی

جیو نیوز - نیویارک …این جی ٹی …1977 ء میں بننے والی شہرہ آفاق جیمز بونڈ فلم دی اسپائی ہو لوڈ می میں استعمال کی جانے والی لوٹس اسپرٹ سب میرین کار پہلی بار فروخت کیلئے پیش کی جا رہی ہے۔1977 میں ایک لاکھ ڈالر کی لاگت سے تیار ہونے والی اس انوکھی گاڑی کو جیمز بونڈ فلم میں زیرآب مناظر فلمانے کے لئے استعمال کیا گیا تھا اور اس میں کئی سسٹم بھی نصب کئے گئے تھے۔اس گاڑی کو فلوریڈا کی ایک کمپنی نیلامی کے لئے پیش کررہی ہے جس پر جیمز بونڈ کے مداح کافی پرجوش نظر آرہے ہیں۔یہ سب میرین کار ستمبر میں فروخت کیلئے پیش کر دی جائے گی اور امید کی جارہی ہے کہ اس کے بدلے میں لاکھوں ڈالرز کمائے جاسکیں گے۔