بالی ووڈ میں مشکل سے ہی کوئی دوست ہو،عمران ہاشمی

جیو نیوز - ممبئی… عمران ہاشمی کا کہنا ہے کہ بالی ووڈ انڈسٹری میں ان کا مشکل سے ہی کوئی دوست ہو کیونکہ انہیں فلمی پارٹیز پسند ہیں اور نہ ہی انڈسٹری میں دوستی۔ بالی ووڈ میں اپنے الگ انداز سے شہرت پانے والے عمران ہاشمی کہتے ہیں کہ اپنی فلم کی پروموشن کے علاوہ کسی اورفلمی تقریب میں جانے کی بات ہوتو وہ گھر پر رہنا ہی پسند کرتے ہیں۔ عمران کا کہنا ہے کہ انہیں فلمی پارٹیز پسند نہیں اورانہوں نے اپنے کیریئر کے آغاز میں ہی طے کرلیا تھا کہ وہ بالی وڈ کے سوشل سرکٹ کا حصہ نہیں بنیں گے۔ عمران کا فلسفہ ہے کہ اگر آپ مضبوط دوستی چاہتے ہیں تو ضروری ہے فلمی دنیا سے باہر ہی کریں یہی وجہ ہے کہ ان کی دوستیاں فلمی دنیا میں نہیں۔