صدر حامد کرزئی نے جنرل میک کرسٹل کی برطرفی کی مخالفت کر دی

جنگ نیوز -
کابل . . . افغان صدر حامد کرزئی نے میک کرسٹل کی ممکنہ برطرفی کی مخالفت کردی ہے۔ واضح رہے کہ افغانستان میں اتحادی افواج کے سربراہ جنرل میک کرسٹل کے متنازع انٹرویو کے بعد انکی قسمت کا فیصلہ آج کیا جائیگا۔ امریکی صدر باراک اوباما نے کہا ہے کہ جنرل میک کرسٹل نے اپنے انٹرویو میں کم فہمی کا ثبوت دیا۔ افغان صدر حامد کرزئی نے میک کرسٹل کوافغانستان میں عالمی فورسز کا اب تک کا بہترین جرنیل قرار دیتے ہوئے امید ظاہر کی ہے کہ انھیں برطرف نہیں کیا جائے گا۔ دوسری طرف رولنگ اسٹون نامی میگزینکے آرٹیکل کے مصنف کا کہنا ہے کہ میک کرسٹل اور ان کا اسٹاف اوباما تک افغان جنگ کی پالیسی پر اپنے تحفظات پہنچانا چاہتے تھے۔ ہیسٹنگزکے مطابق ایک صحافی کی حیثیت سے ان کیلئے اس انٹرویو کے بعد ہیڈ لائن یہ تھی کہ افغان جنگ اوباما کے کنٹرول سے نکل گئی ہے۔ اور اس سے متعلق پالیسی میں کافی جھول ہیں۔ وائٹ ہاؤس کے ترجمان رابرٹ گبز کا کہنا ہے کہ جنرل میک کرسٹل کے متنازع بیان پر صدربہت برہمہیں۔ جنرل کی برطرفی سمیت تمام آپشنز کھلے ہیں۔ اوران کے مستقبل کا فیصلہ صدراوباما خود کریں گے۔ امریکی وزیر دفاع رابرٹ گیٹس نے بھی میک کرسٹل کے انٹرویو پر تشویش ظاہر کرتے ہوئے کہا کہ انھوں نے سنگین غلطی کی ہے۔