بلوچستان میں ترقیاتی فنڈز خورد برد کیس کی سماعت ملتوی

آج نیوز - بلوچستان میں ترقیاتی فنڈز خورد برد کرنے سے متعلق کیس کی سماعت دو ہفتے کیلئے ملتوی ،چیف جسٹس کہتے ہیں ترقیاتی فنڈز کا استعمال انتظامیہ کا اختیار ہے قانون سازوں کا نہیں،اس سلسلے کو ختم کرنے پر فیصلہ دیں گے۔ بلوچستان میں ترقیاتی منصوبوں میں خورد برد سے متعلق کیس کی سماعت چیف جسٹس کی سربراہی میں سپریم کورٹ کے تین رکنی بنچ نے کی،عدالت نے ایج چیف سیکریٹری بلوچستان سیگزشتہ دور حکومت میں ترقیاتی فنڈز کے استعمال،کرپشن میں ملوث افراد کیخلاف کارروائی اور این ایف سی ایوارڈ کے تحت صوبے کو ملنے والی رقوم کا ریکارڈ طلب کر رکھا تھا ،جواب پیش نہ کرنے پر عدالت نے برہمی کا اظہار کیا ،چیف جسٹس نے کہا کہ ترقیاتی فنڈز کا استعمال انتظامیہ کا اختیار ہے،قانون سازوں کا نہیں،ترقیاتی فنڈزاراکین اسمبلیوں کو دینے کا سلسلہ انیس سو پچاسی میں شروع ہوا،اس سلسلے کو ختم کرنے پر فیصلہ دیں گے،عدالت نے اس معاملے پر اٹارنی جنرل کا موقف سننے کا فیصلہ کرتے ہوئے انہیں نوٹس جاری کردیا ہے ،،عبوری حکم میں کہا گیا ہے کہ بلوچستان میں ترقیاتی فنڈز عوام کی فلاح و بہبود پر خرچ نہیں کئے گئے،جس سے عوام میں مایوسی پھیلی ، خوردبرد میں ملوث افراد کیخلاف فوجداری اور دیوانی مقدمات دائر ہونے چاہئیں تھے تاہم چیف سیکریٹری نے اس حوالے سے ناکامی کا اعتراف کیا ہے،کیس کی سماعت دو ہفتے کیلئے ملتوی کردی گئی ہے۔۔۔