سوات ،چترال اور ہنزہ نگر میں بارش ، پہاڑوں پر برفباری

جیو نیوز - اسلام آباد… سوات ،چترال اور ہنزہ نگر میں بارش اور پہاڑوں پر وقفے وقفے سے برفباری جاری ہے۔دوسری جانب پنجاب اورسندھ میں کچھ مقامات پر گزشتہ روز کی بارش کے بعد گرمی کا زور ٹوٹ گیا ہے۔ چترال اور گردونواح میں بارش سے موسم خوشگوار ہے ،سوات میں کالام کے پہاڑوں پر ہلکی برفباری کے بعد سردی کی شدت میں اضافہ ہوگیا ہے۔ ضلع ہنزہ نگر میں بھی بارش اور پہاڑوں پر برفباری کے بعد موسم سرد ہے۔ پنجاب اور سندھ کے مختلف شہروں میں بارش کے بعد گرمی کی شدت میں کمی ہوئی ہے۔ بلوچستان اورگردو نواح میں گرمی کی شدت میں اضافہ ہواہے۔ محکمہ موسمیات کا کہنا ہے کہ اگلے دو روز کے دوران اسلام آباد ، خیبر پختوخواہ ، بالائی پنجاب ، کشمیر اور گلگت بلتستان میں کہیں کہیں تیزہواوٴں کے ساتھ بارش کی توقع ہے۔