پنجاب پولیس کے افسرکے ساتھ رہی ہمیشہ ترقی کے ساتھ بدقسمتی

جیو نیوز - لاہور........پنجاب پولیس کے اعلیٰ افسر کو جب بھی ترقی ملی،ستم ظریفی ان کی راہ تکتی نظر آئی۔ پنجاب پولیس کےسینئر آفیسرامجد جاوید سلیمی نے حال ہی میں ایڈیشنل آئی جی کے عہدے پر ترقی پائی اور ملتان کے ریجنل پولیس آفیسر مقررہوئے تھے۔ ملتان میں امجد جاویدسلیمی کااستقبال کیا 10اکتوبر کےپی ٹی آئی کے جلسے میں ہونے والے سانحے نے جہاں بھگڈر اور دم گھٹنے سے 7 افراد جاں بحق ہو گئے۔ تحریک انصاف نےاس انہونی کاالزام ملتان پولیس پر عائد کیا ہے۔ اب نظردوڑاتےہیں امجد جاوید سلیمی کی سابقہ ترقیوں اورتعیناتیوں پر، وہ مشرف دور میں ڈی پی او سیالکوٹ تعینات ہوئے تو وہاں جیل میں 7ججوں کےقتل کا واقعہ ہوگیا۔ امجد جاوید سلیمی کےخلاف مقدمہ درج ہوا اورانہیں فوری طور پر عہدے سے ہٹا دیا گیا۔ بحال ہوئےتوامجد جاوید سلیمی کوترقی دےکرڈی آئی جی آپریشنز لاہور لگا دیاگیا، اب پھرستم ظریفی ساتھ تھی کہ یہاں 3مارچ 2009ء کو سری لنکن کرکٹ ٹیم پر حملہ ہو گیا۔ امجد جاوید سلیمی پھرہوگئےفارغ کردیئےگئے ۔ ایک بارپھربحالی ہوئی تو انہیں سی سی پی او لاہور لگادیا گیا۔اب کی بار9 مارچ 2013ء کو بادامی باغ میں مسیحی بستی جلانے کادلخراش واقعہ ان کا پیچھا کر رہاتھا۔ پنجاب حکومت نے انہیں فوراً ہی عہدے سے فارغ کرکے انکوائری شروع کر دی۔ اب امجد جاوید سلیمی آر پی اوملتان ہیں،وہاں بھی ستم ظریفی ان کے پیچھے پیچھےہے۔ امجد جاوید سلیمی کوایک بار پھر ہٹائےجانے کی باز گشت سنائی دینے لگی ہے۔