خورشید شاہ کا وزیر اعظم سے ٹیلی فونک رابطہ

جیو نیوز - اسلام آباد.......وزیراعظم نوازشریف سے قائد حزب اختلاف خورشید شاہ نے ٹیلیفونک رابطہ کیا ہے،ذرائع کے مطابق ٹیلی فونک گفتگو میں چیف الیکشن کمشنرکی تعیناتی پرتبادلہ خیال کیا گیا۔خورشید شاہ نے چیف الیکشن کمشنرکےتقرراور عدالتی ہدایت پراپنے موقف سے آگاہ کرتے ہو ئے کہا کہ انتخابی اصلاحات کے بعد چیف الیکشن کمشنرکا تقررہونا چاہیے، جب کہ چیف الیکشن کمشنرصرف سپریم کورٹ کا جج ہونے کی پابندی ختم ہونی چاہیے،کوئی اچھا سیاستدان یا بیورو کریٹ بھی چیف الیکشن کمشنرہوسکتا ہے۔خورشید شاہ کا یہ بھی کہنا ہے کہ بطور اپوزیشن لیڈرسپریم کورٹ میں جواب جمع کراؤں گا۔