برفانی تودے پر کنسرٹ کرکے عالمی ریکارڈ بنالیا گیا

جیو نیوز - لندن.........کنسرٹس تو آئے دن دنیا بھر میں منعقد کیے جاتے ہیں جن میں ہزارون شائقین شرکت کرتے ہیں لیکن گرین لینڈ میں سرد ترین مقام پر تیرتے ہوئے برفانی تودے پر ہونے والے کنسرٹ میں ہر کوئی شرکت نہیں کرسکا۔ برطانیہ سے تعلق رکھنے والے میٹل بینڈ دی ڈی فائلڈ نے گرین لینڈ کے علاقے کولوسک کی آئس فیلڈ میں ایک دیوہیکل آئس برگ پرکنسرٹ کرکے نیا عالمی ریکارڈ قائم کردیا ہے۔ برٹش میٹل بینڈ دی جیگر میسٹر آئس کولڈ گگ کیلئے آئس لینڈ سے ہوتے ہوئے گرین لینڈ پہنچے جہاں کئی دنوں تک انہوں نے اپنے مطلوبہ آئس برگ کی تلاش کی تاکہ توازن کے ساتھ موسیقی کے آلات سنبھالتے ہوئے کنسرٹ کا انعقاد ممکن بنایا جاسکے۔ 30منٹ تک جاری رہنے والے اس منفرد کنسرٹ کو دیکھنے مقامی افراد یہاں پہنچے جنہوں نے نہ صرف اس انوکھی کاوش کیلئے میٹل بینڈ کی ہر ممکن مدد کی بلکہ کنسرٹ سے محظوظ بھی ہوئے۔