اسامہ نے پاکستان سے ڈیل پرغور کیا،نیویارک ٹائمز کا دعوی

اے آر وائی - نیویارک : امریکی اخبار نیویارک ٹائمز نے دعویٰ کیاہے کہ اسامہ بن لادن کا حکومت پاکستان سے ڈیل کرنے کا ارادہ تھا۔ اسامہ کی حفاظت کے بدلے القاعدہ پاکستان حملے نہ کرنے کی ضمانت دیتی۔



امریکی اخبار نیویارک ٹائمز کےمطابق اسامہ بن لادن نے پاکستان سے ڈیل کرنے کے متعلق مشورہ القاعدہ آپریشن کمانڈر عطیہ عبدالرحمان سے گزشتہ برس ایک مراسلے میں کیا۔ اسامہ کا خیال تھاکہ انہیں پاکستانی عوام میں حمایت حاصل ہوسکتی ہے۔ اور اگر حکومت پاکستان انہیں سلامتی کی ضمانت دیں تو القاعدہ پاکستان میں حملے نہیں کریگی۔



رپورٹ کے مطابق امریکی حکام نے اخبار کو بتایا کہ انہیں القاعدہ ڈیل کی اس پیشکش کو حکومت پاکستان یا پاک فوج کے پاس پہنچنے کے شواہد نہیں ملے۔