پاکستان دہشت گردی کے نیٹ ورک ختم کرے،بھارتی وزیراعظم

اے آر وائی - نئی دہلی : بھارتی وزیراعظم منموہن سنگھ نے کہاہے کہ پاکستان دہشت گردی کے نیٹ ورک اور بھارت کو ہدف بنانے والے جہادی گرپوں کے خلاف موثر کارروائی کرے۔



افریقی ممالک کےدورے کے اختتام پرعدیس ابابا میں میڈیا سے گفتگو میں انہوں نے کہا کہ پاکستان میں دہشت گردی کی کارروائیوں سے ثابت ہوگیا کہ بھارت کا پڑوس دہشت گردی کا مرکز ہے۔



ان کاکہنا تھاکہ بھارت دوطرفہ مذاکرات میں اسلام آباد پرزوردے گا کہ دہشت گردوں کے خلاف کارروائی اس کے اپنے مفاد میں ہے اور وہ خطے سے اس لعنت کے خاتمے کیلئے نئی دہلی سے تعاون کرے۔