London : taleemi idaron mein shiddat pasand groupon par pabandi ka faisla

اے آر وائی -

London : Bartanwi hukoomat ne collegeon aur universition mein shiddat pasand islami groupon par pabandi aed karnay ka faisla kiya hai. baqaida elaan aindah dinon mein kiya jaye ga. Bartanwi akhbar ne inkishaaf kiya hai ke Bartanwi wazeer e azam Devid Cameron taleemi idaron mein islami groupon k khilaaf karwai aur kuch par pabandi laganay ki manzoori rawan haftay deingay.

akhbar k mutabiq iss karwai ka maqsad Bartania mein nojawanon ko shiddat pasandi say bachana hai. islami groupon k khilaaf karwai ki hikmat e amli ka elaan paanch mah qabal hona tha. lekin hukoomat aur hizab e ikhtilaaf mein ikhtilafat k baes iss mein takheer hui. liberal democrates ka khayaal hai ke hukoomat taleemi idaron say shiddat pasandi k khatmay ke liye sakht iqdamaat karay.