تم سے جانم عاشقی کی جائے گی

تم سے جانم عاشقی کی جائے گی
اور ہاں یکبارگی کی جائے گی

کر گئے ہیں کوچ اس کوچے کے لوگ
اب تو بس آوارگی کی جائے گی

تم سراپا حسن ہو، نیکی ہو تم
یعنی اب تم سے بدی کی جائے گی

یار اس دن کو کبھی آنا نہیں
پھول جس دن وہ کلی کی جائے گی

اس سے مل کر بے طرح روٶں گا میں
ایک طرفہ تر خوشی کی جائے گی

ہے رسائی اس تلک دل کا زیاں
اب تو یاراں نارسی کی جائے گی

آج ہم کو اس سے ملنا ہی نہیں
آج کی بات آج ہی کی جائے گی

ہے مجھے احساس کو کرنا ہلاک
یعنی اب تو بے حسی کی جائے گی

جمعرات, 14 فروری 2013

اس زمرہ سے آگے اور پہلے

اس سے آگے	اس سے پہلے
اک دل ہے جو ہر لمحہ جلانے کے لیے ہے	تمہیں کتنا یہ بولا تھا

مقبول ترین

1 - حق کے لیے لڑنا تو بغاوت نہیں ہوتی

2 - کبھی پیار کے جھگڑے

3 - بھڑکائیں میری پیاس کو اکثر تیری آنکھیں

4 - وہ کہتی ہے سنو جانا

5 - ابتداء عشق ہے روتا ہے کیا