پاک جرمن انرجی فورم جلد قائم کیا جائے گا ،جرمن سفیر

جیو نیوز - اسلام آباد......پاکستان میں جرمن سفیر کا کہنا ہے کہ پاکستان میں متبادل توانائی کے شعبے میں سرمایہ کاری کے وسیع مواقع موجود ہیں ۔

اسلام آباد میں ہونیوالے بین الاقوامی توانائی کانفرنس میں خطاب کرتے ہو ئے جرمن سفیر کاکہنا تھا کہ جرمنی متبادل توانائی کے فروغ کے لیے پاکستان کو ہر ممکن تعاون فراہم کرے گا،پاک جرمن ری نیو ایبل انرجی فورم جلد قائم ہو جائے گا۔

پاکستان میں متبادل توانائی کی بہت صلاحیت موجود ہے، پاکستان میں بہترین ونڈ کوریڈور ہے پاکستان میں شمسی توانائی سے بجلی پیدا کرنے کے بھی وسیع مواقع موجود ہیں ۔

متبادل توانائی ترقیاتی بورڈ کے سربراہ امجد اعوان نے کہا کہ ہوا اور شمسی توانائی سے مزید بجلی حاصل کرنے کی منصوبہ بندی کر لی ہے۔ اس وقت ہمارا ٹارگٹ ونڈ اور سولر کو ملا کر 2018تک یا اس سے پہلے 3000میگاواٹ بجلی کا حصول ہے۔

ان کا کہناتھاکہ پاکستان میںاس وقت ہواسے300 میگاواٹ بجلی پیدا کرنے کے 6 منصوبے اور شمسی توانائی سے 100 میگاواٹ بجلی پیدا کرنے کا ایک منصوبے پرکام کر رہا ہے ۔