اگر پُر کشش نظر آنا ہے تو سبزیاں اور پھل کھائیں؛نئی تحقیق

لندن… این جی ٹی…خواتین پُرکشش اور جاذب ِنظر آنے کے لئے کیا کیا جتن نہیں کرتیں لیکن سائنسدانوں نے تو اس کا بہت ہی آسان سا حل پیش کر دیا ہے۔جی ہاں برطانیہ میں ہونے والی ایک تحقیق میں یہ بات سامنے آئی ہے کہ سبزیاں اور پھل کھا نا نہ صرف صحت کے لئے مفید ہے بلکہ یہ انسانی حسن کو بھی چار چاند لگا دیتا ہے۔تحقیق کے مطابق سبزیاں اور پھل کھانا انسانی رنگت میں خوشگوار تبدیلی کا باعث ثابت ہوتا ہے جس سے انسان پر کشش نظر آنے لگتا ہے۔ماہرین کا کہنا ہے کہ سبزیوں اور پھلوں میں شامل اجزاء انسانی قوت مدافعت کو بھی بڑھاتے ہیں اور ان کے زیادہ استعمال سے انسانی شخصیت میں خوشگوار اثرات مرتب ہو سکتے ہیں۔