وزیراعظم نے کراچی میں 1320 میگا واٹ پروجیکٹ کا افتتاح کردیا

جیو نیوز - کراچی…وزیر اعظم میاں محمد نواز شریف نے کراچی پورٹ قاسم میں نجی شعبے کے تعاون سے چلنے والے پہلے 1320 میگا واٹ پروجیکٹ کا افتتاح کردیا۔یہ منصوبہ پاور چائنا اور قطر کے المرکاب گروپ کے تعاون سے لگایاجارہا ہے، منصوبے پر ڈیڑھ سے 2 ارب ڈالرز لاگت آئیگی۔دوسرے مرحلے میں 660 میگاواٹ کا ایک اور منصوبہ لگایا جائے گا، یہ دونوں منصوبے دسمبر2017 میں مکمل ہوں گے۔ نجی شعبے میں کوئلے سے چلنے والا یہ پاکستان کا پہلا بجلی گھر ہوگااور اس کی تکمیل سے سستی بجلی کا حصول ممکن ہوگا۔