کراچی میں سخت سیکیورٹی میں نماز عیدالاضحیٰ کے اجتماعات

جیو نیوز - کراچی......کراچی میں سخت سیکیورٹی میں نماز عیدالاضحیٰ کے اجتماعات ہوئے۔عید کے اجتماعات میں علماء کرام نے کراچی سمیت ملک بھر میں قیام امن ، ترقی خوشحالی اور استحکام کے لیے خصوصی دعائیں مانگی ۔ نماز عید الاضحیٰ کی ادائیگی کے بعد شہریوں نے سنت ابراہیمی پر عمل کرتے ہوئے جانوروں کی قربانی کررہے ہیں۔شہر بھرمیں نماز ِعیدالاضحیٰ کے بڑے بڑے اجتماعات نشترپارک،عیدگاہ ناظم آباد، محفل شاہ خراساں، نیومیمن مسجد، سبیل والی مسجد، جناح گراؤنڈ، مسجد خیرالعمل سمیت شہربھر میں سیکڑوں مقامات پر ہوئے، جن میں علماء کرام نے سنت ابراہیمی اور قربانی کی اہمیت پر روشنی ڈالی۔صدرپاکستان ممنون حسین نے نمازعید اسٹیٹ گیسٹ ہاؤس میں ادا کی۔ گورنرسندھ نےنمازعید گورنر ہاؤس میں مسلم ممالک کے سفارتکاروں کے ساتھ ادا کی جبکہ پیپلزپارٹی کے چیئرمین بلاول بھٹو زرداری نے نماز عید 18 اکتوبر کے شہدا کے لواحقین کے ساتھ بلاول ہاؤس کے قریب گراؤنڈ میں ادا کی۔نمازعید کے بعد علمائے کرام نے کراچی سمیت ملک بھر میں امن وامان کے قیام، اتحاد بین المسلمین، ملکی ترقی وخوشحالی کیلئے خصوصی دعائیں مانگیں۔ سنت ابراہیمی کی پیروی کرنے والوں کا کہنا ہے کہ قرآنی تعلیمات کے مطابق انکا جینا، مرنا، عبادتیں اور مال و اسباب اللہ رب العالمین کیلئے ہے۔عیدالاضحیٰ کے موقع پر مساجد وعید گاہوں کے اطراف سخت سیکیورٹی انتظامات کئے گئے تھے۔نماز عیدالاضحیٰ کی ادائیگی کے بعد کراچی کے شہری سنت ابراہیمی کا فریضہ ادا کرتے ہوئے جانوروں کی قربانی پیش کر رہے ہیں۔

اس زمرہ سے آگے اور پہلے

اس سے آگے	اس سے پہلے
اگلی عید نئے پاکستان میں منائیں گے، عمران خان	ماسکو میں پھنسے پاکستانیوں کی وطن واپسی کیلئے بورڈنگ پاس جاری

اسی زمرہ سے

- ماسکو میں پھنسے پاکستانیوں کی وطن واپسی کیلئے بورڈنگ پاس جاری

- ماسکوایئرپورٹ پر100 سے زائد پاکستانی گھنٹوں کمرے میں محصور

- اسلام آباد: گولڑہ میں فائرنگ سے 4 افراد جاں بحق

- بلوچستان سے بھارتی خفیہ ایجنسی "را" کا افسر پکڑا گیا

- دورہ امریکا میں ہوئے معاہدوں سے روابط مضبوط ہوئے، وزیراعظم

مقبول ترین

1 - ایشوریا رائے بد ترین اداکارہ قراردے دی گئیں

2 - لیموں کا رس صحت بخش ہی نہیں بلکہ طبی فوائد کا حامل بھی ہے،ماہرین

3 - سانحہ سیالکوٹ:سات ملزمان کو سزائے موت سنا دی گئی

4 - کبوتر انسانی صحت کے لیے نقصان دہ بیکٹریا پھیلاتے ہیں،جدید تحقیق

5 - گرمیوں میں آموں کا لطف اُٹھائیے اور صحت مند رہیے، ماہرین طب