ہالی ووڈ ایکشن فلم ’فاسٹ اینڈ فیورئیس7‘کا ٹریلر جاری

جیو نیوز - لاس اینجلس ......ہالی وڈ کی بلاک بسٹر ایکشن فلم سیریز’ فاسٹ اینڈ فیورئس‘ ایک بار پھر فلم بینوں کا دل جیتنے کیلئے تیار ہے ،اسی سلسلے میں فاسٹ فیورئس فرنچائز کی ساتویں کڑی " فیورئس7" کا دھماکے دار ٹریلر جاری کر دیا گیا ہے۔ہدایتکارجیمز وان کی اس کرائم تھرلر فلم کی اسٹار کاسٹ میں وِن ڈیزل، آنجہانی اداکارپال واکر،مشعل روڈریگوئز، ڈیوین جانسن ،جارڈانا بریوسٹر ، ٹیریس گبسن، جیسن اسٹیتھم، لیو ڈیکرس اورلوکس بلیک شامل ہیں۔گزشتہ حصوں کی طرح اس فلم میں بھی وِن ڈیزل اپنے سابقہ کردارگو ڈومینک ٹوریٹو کے روپ میں جلوہ گر ہو نگے اور سابق پو لیس مین برائن او کون کا کردارآنجہانی اداکار پال واکرنبھا رہے ہیں جن کی خطرناک کارحادثے میں ا چانک موت کے بعد فلم کی بقیہ عکس بندی انکے بھائیوں کی مدد سے مکمل کی گئی ہے۔انتہائی تیز رفتار کاروں اور بدلے کی آگ میں جلتے خطروں کے کھلاڑیوں کے بے مثال ایکشن کا تڑکا لئے اس فلم کو نیک ایچ موریٹیزاوروِن ڈیزل نے مشترکہ طور پر پروڈیوس کیا ہے جو یونیورسل پکچرز کے تحت آئندہ سال3اپریل کو سینما گھروں میں تہلکہ برپا کرنے آرہی ہے۔