بھارتی گلوکارہ آشا بھوسلے آج اپنی 79 ویں سالگرہ منارہی ہیں

جیو نیوز - ممبئی … بالی ووڈ کی معروف گلوکارہ آشا بھوسلے آج اپنی 79ویں سالگرہ منارہی ہیں۔ صرف 10سال کی عمر میں اپنے کیریئر کا آغاز کرنے والی آشابھارتی ریاست مہاراشٹرا میں پیدا ہوئیں، 20 سے زائد بھارتی و غیر ملکی زبانوں میں 12 ہزار سے زائد گانے ریکارڈ کرنے والی آشا نے کم و بیش 1ہزار فلموں کیلئے پلے بیک سنگر کی حیثیت سے اپنی آواز کا جادو جگایا، لیکن معروف موسیقار آر ڈی برمن کی کمپوزیشن میں ریکارڈ کروائے گئے گانوں نے انہیں شہرت کی بلندیوں پر پہنچادیا۔ آشا کو بھارت کے اعلیٰ ترین سویلین اعزاز پدما بھوشن اور دادا صاحب پھالکے سمیت درجنوں ملکی و غیر ملکی اعزازات و ایوارڈ سے نوازا جاچکا ہے۔