ایشین گیمز کرکٹ،سیمی فائنل میں افغانستان نے پاکستان کو ہرا دیا

جنگ نیوز -
گوانگ ژو…ایشین گیمز کرکٹ ایونٹ کے سیمی فائنل میں افغانستان نے پاکستان کو شکست دے کر فائنل کیلئے کوائی لیفائی کر لیا۔ گوانگ ژو میں جاری سیمی فائنل میچ میں پاکستان نے ٹاس جیت کر پہلے فیلڈنگ کا فیصلہ کیا، افغان ٹیم نے مقررہ 20 اوورز میں 8 وکٹ کے نقصان پر 125 رنز بنائے،اور جیت کیلئے پاکستان کو 126رنز کا ہدف دیا۔افغانستان کی ٹیم میں شبیر احمد نوری 35 رنز کے ساتھ ٹاپ اسکورر رہے، رضا حسن، لال کمار اور محمد ارشاد نے دو دو کھلاڑیوں کو آؤٹ کیا، جواب میں پاکستان نے اچھا آغاز کیا، 31 رنز پر پاکستان کی پہلی وکٹ گری جب شرجیل خان 16 گیندوں پر 23 رنز بناکر آؤٹ ہوئے۔ تاہم پاکستانی ٹیم20اوورز میں7وکٹوں کے نقصان پر 103رنز بنا سکی۔