Shahid Afridi k muamlay par siyasi shaksiaat ki mudakhlat par afsos hai

اے آر وائی -

Lahore : Pakistan Cricket Board k chairman Ejaaz Butt ne Shahid Afridi k muamla par siyasi shaksiaat ki mudakhlat par afsos ka izhaar kya hai aur kaha hai ke agar zaati mafadaat ki khatir yeh mudakhlat jari rahi tou Pakistan cricket ko nuqsaan pohanchay ga.



PCB ki janib say jari honay wali press release mein kaha gaya hai ke Shahid Afridi ne Zabita e Ikhlaq ki sangeen khilaaf varziyan ki theen aur unhain PCB ki inzbaati committee k samnay apni safai paish karnay ka bharpoor mauqa diya jaye ga aur agar woh committee k faislay say mutmaen nah huay tou unhain supreme court ya high courts k retired judges par mushtamil applet tribunal say rujoo karnay ka haq haasil ho ga.



chairman PCB ka kehna hai ke koi bhi shakhs qanoon say balatar nahi hai. aur PCB bulaa khauf o khatar iss muamlay ki karwai karay ga.