بنگلا دیش کو 328رنز سے شکست ،پاکستان سیریز کا فاتح بن گیا

جیو نیوز - میرپور .....پاکستان دوسرے اور آخری ٹیسٹ میں میزبان بنگلادیش کو 328رنز سے شکست دے کر سیریز فاتح بن گیا ہے۔بنگلا دیش کی ٹیم دوسری اننگ میں 550رنز کے ہدف کے تعاقب میں 221رنز بناکر آوٹ ہوگئی ۔ چوتھے دن بنگلادیشن نے 63 رنز ایک کھلاڑی آوٹ سے اننگز آگے بڑھائی،86 کے اسکور پر بنگلادیش کی دوسری وکٹ گر ی ،تمیم اقبال 42 رنز بناکر آوٹ ہوئے،95 کے اسکور پر محمود اللہ بھی صرف 2 رنز بناکر ہوئے۔ 121پر بنگلا دیش کی چوتھی وکٹ گری جب شکیب الحسن 13رنز بناکر محمد حفیظ کا شکار بننے۔ پانچویں آوٹ ہونے والے بنگلادیشی کپتان مشفق الرحیم تھے جو صفر کے اسکور پر یاسر شاہ کی گیند پر بولڈ ہوگئے ۔سومیا سرکار ایک رنز کا اضافہ کرسکیں ،انہیں وہاب ریاض نے پویلین کا راہ دکھائی۔ساتویں وکٹ مومن الحق کی گری جو 68رنز بناکر یاسر شاہ کی گیند پر آوٹ ہوگئے۔آٹھویں وکٹ تجمل السلام کی گری کی جنہیں 10کے انفرادی اسکور پر یاسر شاہ کاشکار بنے۔نویں اور آخری وکٹ شو گاتا کی گری جو 39رنز بناکر جنید خان کی گیند پر بولڈ ہوگئے ۔دوسری اننگ میں یاسر شاہ نے 4کھلاڑیوں کا شکار کیا،انہوں نے میچ میں مجموعی طور پر 7وکٹیں حاصل کیں۔عمران خان نے دو،وہاب ریاض ،جنید خان اور محمد حفیظ نے ایک ایک وکٹ اپنے نام کرلی ہے۔