شہبازتاثیر اغوا،ایف آئی اے کا پولیس کا تعاون لینے کیلئے حکام کوخط

جنگ نیوز -
اسلام آباد . . . . . وفاقی وزارت داخلہ کی ہدایت پر ایف آئی اے نے مقتول گورنرسلمان تاثیر کے بیٹے شہباز تاثیر کے اغوا کی تحقیقات میں تعاون کیلئے پولیس حکام کو خط لکھ دیا ہے، ایف آئی اے حکام کے مطابق خط میں شہباز تاثیر کے اغوا کے سلسلے میں انویسٹی گیشن پولیس کو ہرقسم کی قانونی ،تکنیکی اور فنی امدادفراہم کرنے کے بارے میں یقین دہانی کرائی گئی ہے، ایف آئی اے حکام نے شہباز تاثیر کے اغواء کے بعد ان کے گھر اورجائے وقوعہ کا دورہ کیا اور اہل خانہ کو یقین دلایا تھا کہ شہباز تاثیر کے لیپ ٹاپ اور موبائل فون کے ڈیٹا سے ملزموں کو تلاش کیا جائے گا اورمغوی کی کار پر فنگر پرنٹس کی مدد سے ملزموں تک پہنچنے کی کوشش کی جائے گی، ایف آئی اے ذرائع کے مطابق پولیس کی جانب سے ابھی تک مغوی کے لیپ ٹاپ اورموبائل فون کے حوالے سے کوئی مثبت جواب نہیں دیا گیا۔