آنے والے نئے سال کا دکھ
نیا سال آیا . . . ! !
ویران صبحوں کی نیلی تہوں سے ابھرتا . .
خیابان و دشت و جبل کی ٹھٹھرتی خاموشی میں
برفیلی سیٹی بجاتا . .
دبے پاؤں آیا . .
یخ آلودہ شاموں کی خاموشیاں . .
اوس کے قدموں کی آہٹ سمیٹے . . .
گزرگاہوں پر ، سائبانوں میں ، نوحہ کناں ہیں . .
در آتی ہے شام کو ، دریچوں کی دراڑوں سے . . .
پر شور جھونکوں کی بے مہر ٹھنڈک . .
برودت ذدہ پانیوں پر ، پرندے . .
کناروں پر ایستادہ پیروں کی غم ناک . . .
شاخوں کی جانب اوڑے جا رہے ہیں . . .
مکین آنگنوں میں ، چھتوں پر . .
دھڑکاتے دلوں میں ہزاروں خیالوں کی شمعیں جلائے . .
دبے پاؤں آتے ہوئے سال کو دیکھتے ہیں . . . ! !
Posted on Feb 16, 2011
سماجی رابطہ