پیرو میں لڑائی جھگڑوں کیلئے خصوصی طورپر سالا نہ فائٹ فیسٹیول کا انعقاد

لیما… این جی ٹی…بڑے کہتے ہیں کہ لڑنا جھگڑنا بُری با ت ہے ۔لیکن اس کے باوجود پیرو میں لڑائی جھگڑوں کیلئے خصوصی طورپر سالا نہ فائٹ فیسٹیول کا انعقاد کیا جاتا ہے۔نئے سال کے آغاز کے ساتھ پرانے مسئلے مسائل اور جھگڑوں کو ختم کرنے کی خاطر اس لڑائی کا میدان سجایا جاتاہے۔مردوخواتین کے ساتھ ساتھ بچے بھی اس فائٹ فیسٹیول کا فائدہ اٹھاتے ہو ئے زور آزما ئی کرتے نظر آتے ہیں ۔اس فیسٹیول کے ذریعے نوجوان اپنی طاقت اور ہمت کا مظاہرہ پیش کر کے شہرت اپنے نام کر تے ہیں جس کے بعد حریف دوست بھی بن جا تے ہیں۔