وٹامن ڈی سے بھرپوراشیاکااستعمال دمے سے بچاتا ہے، تحقیق

لندن… برطانوی تحقیق کے مطابق دمے کے مرض سے بچنے کے لیے وٹامن ڈی سے بھرپوراشیاکااستعمال فائدہ مند ہوتا ہے۔ کنگز کالج لندن کے سائنسدانوں کے مطابق وٹامن ڈی کا استعمال دمے کے مریضوں کیلئے مفیدہوتاہے جس کے ذریعے انھیں سانس لینے میں آسانی ہوتی ہے۔ صرف یہی نہیں وٹامن ڈی دمے کی علامات میں کمی کا باعث بھی بنتاہے۔ سائنسدانوں کاکہناہے کہ جلد ہی دمے کے مریض ادویات کے ساتھ سپلیمنٹس بھی استعمال کرسکیں گے۔ وٹامن ڈ ی کی وافر مقدار مچھلی ، انڈوں ، دودھ اور سبزیوں میں پائی جاتی ہے۔