کراچی میں مزید 17 افراد میں ڈینگی وائرس کی تصدیق

کراچی… کراچی میں گزشتہ 24 گھنٹوں کے دوران مزید 17 افراد میں ڈینگی وائرس کی تصدیق ہوئی ہے۔ رواں سال شہر بھر میں ڈینگی سے متاثرہ افراد کی تعداد 164 ہوگئی۔ سندھ ڈینگی سرویلینس سیل کی رپورٹ کے مطابق کراچی میں 24 گھنٹوں میں 17 افراد میں ڈینگی وائرس کی تصدیق ہوئی ہے۔ رواں سال شہر بھر میں ڈینگی سے 164 افراد متاثر ہوچکے ہیں جن میں سے 13 مریض اب بھی مختلف اسپتالوں میں داخل ہیں۔ اندرون سندھ ڈینگی کے 8 کیس رپورٹ ہوئے ہیں۔