خیبرپختونخوا کے اسپتالوں میں بائیومیٹرک سسٹم ،ڈاکٹر ناراض

پشاور........خیبرپختونخوا کے اسپتالوں میں عملے کی حاضری کویقینی بنانے کے لئے بائیومیٹرک سسٹم تولگادیا گیا لیکن ڈاکٹر اس سے ناراض ہیں ان میں اب بھی اس نظام کے حوالے سے مزاحمت پائی جاتی ہے اوروہ کہتے ہیں کہ حکومت کوچاہیے کہ وہ اسے ڈاکٹروں پرنافذکرنے کے بجائے باقی سرکاری محکموں میں لگائے۔ خیبرپختونخوا کے اسپتالوں میں ڈاکٹروں اوردیگرعملے کی حاضری کویقینی بنانے کے لئے چند روزقبل حاضری کے کمپیوٹرائزنظام بائیومیٹرک سسٹم لگایا گیا جس سے اس بات کا پتہ چلانا مطلوب تھا کہ کونسا ڈاکٹریا عملے کا کونسا فرد اپنی ڈیوٹی پردیرسے آتا ہے اوریا وقت ختم ہونے سے پہلے ہی چلا جاتا ہے۔ یہ نظام نافذ ہوچکا تاہم ڈاکٹرکہتے ہیں کہ ان کے ساتھ ہی ایسا کیوں کیا جارہا ہے، ان کی نمائندہ تنظیمیں اورخود عام ڈاکٹراس کی مخالفت کرتے ہیں۔