سندھ میں میٹرک کے امتحانات ، لوڈشیڈنگ جاری ،طلبہ پریشان

اے آر وائی - کراچی : کراچی سمیت سندھ بھر میں میٹرک کے امتحانات جاری ہیں ۔ امتحانی مراکز پر لوڈشیڈنگ کی وجہ سے طلبہ کو مشکلات کا سامناہے ۔ امتحانات میں نقل کا سلسلہ بھی برقرارہے ۔



لوڈشیڈنگ کی وجہ سے طلبہ شدید گرمی میں امتحان دینے پر مجبور ہیں ۔ طلبہ کاکہناہےکہ لوڈشیڈنگ کی وجہ سے امتحان کی تیاری کرنا بھی مشکل ہوگیاہے ۔ انھوں نے اعلی حکام سے مطالبہ کیاہےکہ گذشتہ دو برس پہلے بھی لوڈشیڈنگ کے بحران کی وجہ سے طلبہ کو دو فیصد اضافی نمبر دیئے گئے تھے ۔ اب بھی وہی صورتحال برقرار ہے ۔اس لیے طلبہ کو دو فیصد اضافی نمبر دیئے جائیں ۔دوسری جانب میٹرک کے امتحانات میں نقل کا سلسلہ برقرار ہے ۔ نقل روکنے کےلئے بنائی گئی کمیٹیاں میں عملا ناکام نظر آرہی ہیں ۔