ڈیرہ مراد جمالی:پولیس پر حملے میں دو اہلکار شہید،تین زخمی

اے آر وائی - ڈیرہ مراد جمالی : ڈیرہ مراد جمالی میں پولیس پر حملے میں دو اہلکار شہید اور تین زخمی ہوگئے۔ پولیس کی جوابی کارروائی میں دو ملزمان کو ہلاک کردیا گیا۔



پولیس حکام کے مطابق ڈیرہ مراد جمالی کے قریب پیرو پل کے مقام پر پولیس موبائل معمول کے گشت پر تھی کہ گھات لگا کر بیٹھے ملزمان نے ان پر اندھا دھند فائرنگ شروع کردی۔ جس کے نتیجے میں دو اہلکار موقع پر شہید ہوگئے جبکہ ایس ایچ او سمیت تین اہلکار زخمی ہوگئے۔



پولیس کی جوابی کارروائی میں ایک ملزم ہلاک ہوگیا جبکہ ایک کو زخمی حالت میں گرفتار کیا گیا جو بعد زخموں کی تاب نہ لاتے ہوئے چل بسا۔