Shahid Khan Afridi England say watan wapas pahonch gaye

اے آر وائی -

Karachi : Pakistan Cricket Team k sabiq captain boom boom Afridi England say watan wapas pahonch gaye hain. paristaron ki bari tadaad ne Karachi airport par in ka shandaar istaqbaal kya.



Shahid Afridi ko inzbaati karwai k aaghaz keliye 8 June ko Lahore talab kya gaya hai. Shahid Afridi ne bain al aqwami cricket say retirement ka elaan kartay huay PCB k khilaaf ilzamaat aed kiye thay jo zabita e ikhlaq ki khilaaf warzi hai.



Pakistan Cricket Board ne Shahid Afridi ko zabita e ikhlaq ki khilaaf warzi par show cause notice jari kiya tha aur 7 din mein jawaab dainay ki Hidayat ki thi. Shahid Afridi ne aik din baad he PCB ko show cause notice ka jawaab day diya tha jis mein aitraaf kiya tha ke unhon ne PCB k zabita e ikhlaq ki khilaaf warzi ki hai. Pakistan Cricket Board ne teen rukni inzbaati committee tashkeel di he jis k rukan Shafeeq Ahmed, Sultan Rana aur Usman Wahla shaamil hain.