سپریم کورٹ میں پورٹ قاسم اتھارٹی تقرر کیس کی سماعت

جنگ نیوز -
اسلام آباد…پورٹ قاسم اتھارٹی تقرر کیس میں سپریم کورٹ نے ادارے کے چیئرمین اور پورٹس اینڈ شپنگ کے سیکریٹری اورڈپٹی سیکریٹری کو عدالت میں جمعرات تک حاضر ہونے کے لیے نوٹس جاری کردیئے ہیں ۔مقدمہ کی سماعت جسٹس جاویداقبال کی سربراہی میں تین رکنی بنچ نے کی ۔ جسٹس جاویداقبال نے ریمارکس میں کہاکہ اتھارٹی میں70 فیصد تک بڑے لوگوں کے رشتہ دار بھرتی ہیں، غیرقانونی تقرریوں کوبالاآخر ختم ہونا ہے۔ مغلیہ دور کے شاہانہ اختیارات کا استعمال اب بند ہونا چاہیے، پورٹ قاسم اتھارٹی میں90فیصد تقرریاں دو حلقوں سے ہوئی ہیں،بے روزگاری سارے ملک میں ہے، صوبائی کوٹے کو مکمل نظر انداز کردیا گیا۔ ملازمتیں ضرور دیں مگر میرٹ کا خیال رکھیں۔ جسٹس جاوید اقبال نے کہا کہ پورٹ قاسم اتھارٹی میں جتنی اقربا پروری ہوسکتی تھی ہوئی ہے ، ایک شخص کو گریڈ18 میں تعینات کرکے19 اور پھرچند روز میں گریڈ20 میں ترقی دے دی گئی پورٹ قاسم اتھارٹی کے چیئرمین رئیرایڈمرل ریٹائرڈ محمد شفیع، سیکریٹری پورٹس اینڈ شپنگ محمد سلیم اورڈپٹی سیکریٹری ضمیر فاروقی کو جمعرات کو ریکارڈ سمیت طلب کیا ہے اور کہا ہے کہ اگر یہ افسران پیش نہ ہوئے تو انہیں شوکاز نوٹس جاری کیے جائیں گے۔ مقدمہ کی مزید سماعت تین ہفتوں کے لیے ملتوی کردی گئی ۔

اس زمرہ سے آگے اور پہلے

اس سے آگے	اس سے پہلے
گوشت خور افراد کا وزن دوگنی رفتار سے بڑھتا ہے،تحقیق	ماسکو میں پھنسے پاکستانیوں کی وطن واپسی کیلئے بورڈنگ پاس جاری

اسی زمرہ سے

- ماسکو میں پھنسے پاکستانیوں کی وطن واپسی کیلئے بورڈنگ پاس جاری

- ماسکوایئرپورٹ پر100 سے زائد پاکستانی گھنٹوں کمرے میں محصور

- اسلام آباد: گولڑہ میں فائرنگ سے 4 افراد جاں بحق

- بلوچستان سے بھارتی خفیہ ایجنسی "را" کا افسر پکڑا گیا

- دورہ امریکا میں ہوئے معاہدوں سے روابط مضبوط ہوئے، وزیراعظم

مقبول ترین

1 - ایشوریا رائے بد ترین اداکارہ قراردے دی گئیں

2 - لیموں کا رس صحت بخش ہی نہیں بلکہ طبی فوائد کا حامل بھی ہے،ماہرین

3 - سانحہ سیالکوٹ:سات ملزمان کو سزائے موت سنا دی گئی

4 - کبوتر انسانی صحت کے لیے نقصان دہ بیکٹریا پھیلاتے ہیں،جدید تحقیق

5 - گرمیوں میں آموں کا لطف اُٹھائیے اور صحت مند رہیے، ماہرین طب