35سال عمر کے بعد نشاستے دار غذاؤں سے پرہیز کریں،ماہرین

جنگ نیوز -
لندن…جنگ نیوز…طبی ماہرین نے کہا ہے کہ نشاستہ دار غذاؤں سے خون میں شکر کی مقدار بڑھ جاتی ہے جو خون کو گاڑھا کر کے عارضہ قلب کے امکانات کو65 فیصد تک بڑھا سکتی ہے،35 سے 60 سال کی عمر کے درمیان خاص طور پر نشاستہ دار غذاؤں سے پرہیز لازمی ہے۔ مختلف انسانی غذاؤں پر کی جانے والی ایک جدید تحقیق میں نشاستہ دار غذاؤں کے گروپ سے وابستہ بیماریوں میں دل کا مرض سب سے نمایاں رہا۔ ان غذاؤں کی وجہ سے 30 سے 90 منٹ میں خون کے اندر شکر کی مقدار بڑھ جاتی ہے۔ ماہرین نے کہاہے کہ ایسی خوراکوں کے بعد معدے میں جلن، بھاری پن یا طبعیت میں سستی طاری ہونا اس عمل کی ایک واضح علامت ہے۔ جن لوگوں کویہ علامات لاحق ہوں ان کوفوری طور پر پھل اور سبزیوں کے استعمال پر توجہ دینی چاہیے۔