ضلع کیچ: سیکورٹی فورسز سے مقابلے میںدو شرپسند ہلاک

جیو نیوز - کیچ......ضلع کیچ کے علاقے بلیدہ میں سیکورٹی فورسز کے قافلے پر مسلح افراد نے فائرنگ کردی ، فائرنگ کے تبادلے میں دو شرپسند ہلاک ہوئے ، فائرنگ کی زد میں آکر راہ گیر بچی بھی جاں بحق ہوگئی ۔

لیویز ذرائع کے مطابق ضلع بلیدہ میں سیکورٹی فورسز کا ایک قافلے گزررہا تھا کہ مسلح افراد نے قافلے پر اندھا دھند فائرنگ کردی،سیکورٹی کی جانب سے جوابی فائرنگ کی گئی ،سیکورٹی فورسز سے فائرنگ کے تبادلے میں دو شرپسند ہلاک ہوگئے جبکہ اس دوران فائرنگ کی زد میں آکر راہ گیر بچی بھی جاں بحق ہوگئی ۔

واقعہ کے بعد سیکورٹی فورسز نے علاقے کی ناکہ بندی کرکے سرچ آپریشن شروع کردیا ۔